لاہور (محمد قربان) پاکستان میں ثقافتی تنوع کو فروغ دینے والی تنظیم کرسچن اسٹڈی سینٹر کی جانب سے پنجاب میں ایک جامع ورثہ کونسل کے قیام کا آغاز کیا گیا ہے۔ کونسل کا مقصد پنجاب میں جامع ورثے اور شمولیت کے فروغ کے لیے کام کرنے والے اسٹیک ہولڈرز کے درمیان تعاون اور ہم آہنگی کو فروغ دینا ہے۔ متنوع آوازوں اور نقطہ نظر کو اکٹھا کرکے کونسل کا مقصد پاکستان کے امیر ثقافتی ورثے کے تحفظ اور فروغ کے لیے جامع حکمت عملی اور اقدامات تیار کرنا ہے۔
کمپوزٹ ہیریٹیج کونسل نے مختلف صوبائی محکموں اور تنظیموں کے معزز نمائندوں کے ساتھ ملاقاتیں کیں جن میں منسٹری آف پلاننگ اینڈ ڈویلپمنٹ کے پبلک انفارمیشن آفیسر عبدالواحد، محکمہ اطلاعات و ثقافت کے سیکشن آفیسر ایم حسین، ڈی جی پی آر کے ڈپٹی ڈائریکٹر ایم ذوالفقار، ڈپٹی ڈائریکٹر یوتھ افیئرز رانا ندیم انجم، ڈائریکٹر انسانی حقوق وزارت محمد یوسف شامل ہیں. میٹنگ کے دوران شرکاء نے تعاون کے مختلف طریقوں پر تبادلہ خیال کیا. انہوں نے متنوع ثقافتی روایات کے تحفظ اور جشن منانے کی اہمیت پر زور دیا جو پاکستان کی منفرد شناخت میں اہم کردار ادا کرتی ہیں۔ اس حوالے سے گفتگو کرتے ہوئے کرسچن اسٹڈی سینٹر کے سینئر پراجیکٹ آفیسر سونیل محبوب نے کہا کہ “ہم پنجاب میں کمپوزٹ ہیریٹیج کونسل کے قیام میں سہولت فراہم کرنے پر بہت پرجوش ہیں۔ یہ مشترکہ کوشش ثقافتی تنوع، سماجی ہم آہنگی کو فروغ دینے کی جانب ایک اہم قدم کی نشاندہی کرتی ہے۔
36
